Lyrics of Kaisdaan: A Waray Folk Song



Didto ha kalalawdan

Maribhong an kadagatan.

 



I.

Hadto nga mga panahon

An isda nagmalipayon.

Nagtukod hira hin sesyon

Pagmulay ira bubuhaton.

An pating ira ginnumrahan

Hadi han kaisdaan.

Kun di nira pagsundon

Kanan pating hira sisibaron.

 

II.

Pitser nira an sarabay

Makusog han bola lumabay.

Katser nira an parutpot

An bola di nakakalusot.

Para-bater nira an badlong

Makusog han bola bumalong.

Pilder nira an pagi

An bola di nakakaagi.

 

 

Hadto nga panahon, hadto nga panahon

La, la, la, la, la, la, la.

Hadto nga panahon, hadto nga panahon

La, la, la, la, la, la, la.



III.

Perst beys nira an bulinaw

Makarit mag-inaw-inaw.

Sekund beys nira an kugita

Kay listo an iya kamata.

Tird beys nira an tamban

Kay diri nakakawatan.

Hum ran dayon

An turingan.

Malaksi hiya dumalagan.


Pagkatapos han murumlay

Kanan pating hira ginsangkay.


No comments:

Post a Comment